উত্তৰ-পশ্চিম শিক্ষা খণ্ডৰ সৰুচৰাই কেন্দ্ৰৰ ডিচেম্বৰ মাহৰ শৈক্ষিক আৰু সাংস্কৃতিক উত্তৰণ সভা…
গুৱাহাটীঃ যোৰহাট জিলাৰ উত্তৰ -পশ্চিম শিক্ষা খণ্ডৰ সৰুচৰাই কেন্দ্ৰৰ ডিচেম্বৰ মাহৰ শৈক্ষিক আৰু সাংস্কৃতিক উত্তৰণ সভাখনি যোৱা ২৪/১২/২০২২ তাৰিখে গুৱাল মনাই মাজি প্ৰাথমিক বিদ্যালয়ত অনুষ্ঠিত হৈ যায়। গুৱাল মনাই মাজি প্ৰাথমিক বিদ্যালয়ৰ ছাত্ৰীসকলে পৰিবেশন কৰা বৰগীতেৰে আৰম্ভ হোৱা সভাখনত সভাপতিত্ব কৰে সৰুচৰাই কেন্দ্ৰৰ স্থায়ী সভাপতি পৰাগ শৰ্মাই। কেন্দ্ৰৰ সম্পাদক বিকাশ দত্তই উদ্দেশ্য বাখ্যা কৰা সভাখনত বিভিন্ন শৈক্ষিক দিশৰ আলোচনা কৰাৰ লগতে সদ্য অৱসৰ গ্ৰহণ কৰা ৩০৬ নং মনাই মাজি প্ৰাথমিক বিদ্যালয়ৰ প্ৰধান শিক্ষক শ্ৰীযুত অজিত বৰা দেৱৰ বিদায় সভাখন অনুষ্ঠিত কৰি শিক্ষক জনক বিদায় সম্ভাষণ জনোৱা হয়। সভাত দিগন্ত বৰা আৰু ৰঞ্জিত হাজৰিকাই অজিত বৰাৰ কৰ্ম জীৱন সম্পৰ্কে মন্তব্য আগবঢ়াই। উক্ত সভাত কেন্দ্ৰৰ শিক্ষক-শিক্ষয়িত্ৰী সকলো উপস্থিত থাকে।
