যোৰহাটৰ তৰাজানৰ জয়া কমপ্লেক্সত সন্ধ্যাজ মেকঅভাৰ ষ্টুডিঅ আৰু একাডেমিৰ শুভাৰম্ভ….
গুৱাহাটীঃ সাংস্কৃতিক নগৰী যোৰহাটত আজি ইংৰাজী ১৬ ডিচেম্বৰ ২০২২ তাৰিখে তৰাজানৰ জয়া কমপ্লেক্সত সন্ধ্যাজ মেকঅভাৰ ষ্টুডিঅ আৰু একাডেমি নামৰ সৌন্দৰ্য্য চৰ্চা তথা ৰূপসজ্জাৰ প্ৰশিক্ষণৰ ব্যৱস্থা থকা অত্যাধুনিক প্রতিষ্ঠান উদ্বোধন কৰা হয়। প্ৰতিষ্ঠানখনৰ শুভউদ্বোধন কৰে অসমৰ বিশিষ্ট ফেশ্বন ডিজাইনাৰ তথা মিনাভ্ৰা ক্ৰিয়েচনৰ অঞ্জু হাজৰিকাই। নিমন্ত্ৰিত বিশিষ্ট অতিথি হিচাপে উপস্থিত থাকে যোৰহাটৰ জনপ্ৰিয় তথা জ্যেষ্ঠ ফটোগ্ৰাফাৰ অশ্বিনী বৰকটকী আৰু যোৰহাটৰ ডিজাইনাৰ কাপোৰৰ প্ৰতিস্থান ফার্ষ্ট লেডীৰ স্বত্বাধিকাৰী তথা ফেশ্বন ডিজাইনাৰ অপিনীতা হাজৰিকা। শুভাৰম্ভ অনুষ্ঠানত বহুকেইগৰাকী গন্য-মান্য ব্যক্তি উপস্থিত থাকে।
বিশেষকৈ কইনাৰ মেকআপৰ পৰা ফেশ্যন মেকআপ লৈকে সকলো ধৰণৰ আধুনিক তথা পাৰম্পৰিক ৰূপসজ্জাৰ সুবিধা এই প্ৰতিষ্ঠানখনত উপলব্ধ হব বুলি সন্ধ্যাজ মেকঅভাৰৰ স্বত্বাধিকাৰী তথা কেইবাবছৰৰ অভিজ্ঞতাপুষ্ট মেকআপ আর্টিষ্ট সন্ধ্যা গোস্বামীয়ে ৰাইজক জানিবলৈ দিছে। লগতে মেকআপৰ আধুনিক তথা উন্নত মানদণ্ডৰ বিভিন্ন প্ৰশিক্ষণৰ ব্যৱস্থাও কৰা হৈছে বুলি জানিবলৈ দিছে।
